أنواع الطلبة فلافّاك المغربية: شكون فيهم نتا؟

1. مول الفوطوكوبي (المنقذ)

هاد الطالب ماعمرو كيحضر للمحاضرات، ولكن نهار الامتحان كيكون عندو الكور كامل مطبوع ومسوليني بالالوان. هادا هو العشير لي كيعتقك فالدقيقة 90.

2. السياسي المتمرد

هادا ديما واقف فالحرم الجامعي شاد الميكرو وكيهضر على حقوق الطالب والإمبريالية. الكاريزما طالعة، ولكن النقط فالامتحان ديما هابطين.

3. السنايپر (القراي)

هاد النوع كيجلس فالصف الأول، كيسمع الأستاذ اش كيقول وكيقيد حتى الكحة ديالو. ماكيبارطاجيش الكور وكيدير راسو مافاهم والو.

4. الزاير (السائح)

كيجي للافّاك جوج مرات فالعام: نهار التسجيل، ونهار كيبغي ياخد المنحة. الباقي كيقضيه فالقهوة د الكلية كيلعب الكارطة.