دليل الطوبيس: كيفاش تلقى بلاصة فاش كيكون عامر

1. استراتيجية الباب اللوراني

فاش كيوصل الطوبيس، كاع الناس كيمشيو للباب القدامي. المريكل هو لي كيمشي للباب اللوراني، كيتسنى الناس ينزلو وكيطلع بالزربة، وكيخطف اول بلاصة كتبان ليه.

2. لغة العيون مع لي جالس

يلا طلعتي ولقيتي الطوبيس عامر وراك مدگدگ بالوقوف، خاصك تحدد شكون لي غادي ينزل قريب. ركز على الناس لي هازين صيكانهم ولا لي بداو كيشوفو فالشراجم بزاف. وقف حداه وبدا تسخن بلاصتك.

3. الهروب من "الروسوفور"

واخا تخلص التيكي ديالك، الروسوفور (مول التذاكر) ديما كيجيب ليك الخلعة فاش كيقرب ليك وكيقول "ورقة أسي". حاول ديما تخلي التيكي فيديک باش ماتبقاش تقلب عليها فجيابك والناس كتشوف فيك بحال شي بوزبال.